- ఫుట్‌బాలర్‌కు రెడ్‌కార్డ్‌

న్యూఢిల్లీ: ఫుట్‌బాల్‌ మ్యాచ్‌ల్లో ఉత్కంఠభరిత క్షణాల్లో ఆటగాళ్లు సహనం కోల్పోయి ప్రత్యర్థులపట్ల మొరటుగా ప్రవర్తించడం కద్దు. ఈక్రమంలో వారు రెడ్‌కార్డ్‌ శిక్షకు గురవుతారు. కానీ అందుకు భిన్నంగా జరిగింది ఓ సాకర్‌ మ్యాచ్‌లో.

ఓ ఆటగాడు అనుచితంగా ప్రవర్తించి మైదానం వీడాడు. కోపా పెరూ కప్‌ డివిజన్‌ టోర్నీలో అట్లెటికో అవజున్‌-కంటోర్సిలో ఎఫ్‌సీ జట్ల మధ్య మ్యాచ్‌..ఇంజ్యూరీ టైమ్‌కోసం 71వ నిమిషంలో ఆగింది. ఆ సమయంలో అవజున్‌ స్ట్రయికర్‌ సెబాస్టియన్‌ మునోజ్‌..

ఫ్యాన్స్‌ ఎవరూ లేని ఓవైపు వెళ్లి మైదానంలో మూత్రవిసర్జన చేశాడు. దాంతో అతడికి రెఫరీ రెడ్‌కార్డు చూపి బయటకు పంపాడు.