పారా టేబుల్‌ టెన్నిస్‌ చాంపియన్‌షిప్‌

ఇండోర్‌ వేదికగా జరుగుతున్న యూటీటీ జాతీయ పారా టేబుల్‌ టెన్నిస్‌ చాంపియన్‌షిప్‌లో రాష్ట్ర ప్యాడ్లర్‌ హితేశ్‌ దోల్వాని పసిడి పతక జోరు కనబరిచాడు. బుధవారం జరిగిన మూడు వేర్వేరు విభాగంలో హితేశ్‌ స్వర్ణ పతకాలతో మెరిశాడు.

పురుషుల సింగిల్స్‌ ఫైనల్లో హితేశ్‌ 6-11, 12-10, 11-6, 11-9తో విశ్వ తాంబెపై గెలిచాడు. అదే దూకుడు కొనసాగిస్తూ డబుల్స్‌లో హితేశ్‌, కునాల్‌ అరోరా జోడీ 11-8, 4-11, 11-9, 6-11, 14-12తో దత్త ప్రసాద్‌, రవీంద్ర ద్వయంపై గెలిచింది. మిక్స్‌డ్‌ డబుల్స్‌లోనూ ఈ పారా ప్యాడ్లర్‌ విజేతగా నిలిచాడు.