ఒలింపిక్‌ చాంపియన్‌కు అరుదైన గౌరవం

లౌజానే (స్విట్జర్లాండ్‌): ఒలింపిక్‌ చాంపియన్‌, జావెలిన్‌ త్రోయర్‌ నీరజ్‌ చోప్రాకు అరుదైన గౌరవం దక్కింది. స్విట్జర్లాండ్‌లోని ప్రముఖ ఐస్‌ ప్యాలెస్‌ యింగ్‌ఫావ్‌ ‘వాల్‌ ఆఫ్‌ ఫేమ్‌’లో నీరజ్‌ చిత్రానికి చోటు లభించింది. ప్యాలెస్‌ గోడపై నీరజ్‌ పేరిట ఏర్పాటు చేసిన స్మారక ఫలకాన్ని అతడు ఆవిష్కరించాడు. ఈ సందర్భంగా అక్కడ ఉంచేందుకు తన జావెలిన్‌ను బహుమానంగా ఇచ్చాడు. అనంతరం జావెలిన్‌ త్రో విన్యాసాలతో సందర్శకులకు కనువిందు చేశాడు. టాప్‌ ఆఫ్‌ యూరప్‌గా పిలిచే ఈ ప్యాలెస్‌ ప్రముఖ పర్యాటక ప్రాంతం. ఇక్కడి గోడలపై స్విస్‌ దిగ్గజం రోజర్‌ ఫెడరర్‌, గోల్ఫర్‌ రోరి మికెల్రాయ్‌ స్మారకాలు కూడా ఉన్నాయి. స్విస్‌ పర్యాటకానికి చోప్రా ప్రచారకర్తగా వ్యవహరిస్తున్న సంగతి తెలిసిందే.