రాయ్‌పూర్‌: ఛత్తీస్‌గఢ్‌తో జరిగిన గ్రూప్‌ ‘బి’ రంజీ మ్యాచ్‌లో ఆంధ్ర 126 పరుగులతో ఘన విజయం సాధించింది. 320 పరుగుల భారీ లక్ష్య ఛేదనలో ఓవర్‌నైట్‌ స్కోరు 20/0తో సోమవారం రెండో ఇన్నింగ్స్‌ కొనసాగించిన ఛత్తీస్‌గఢ్‌ 193 పరుగులకు ఆలౌటైంది. ప్రశాంత్‌, నితీశ్‌ చెరో మూడేసి, పృథ్వీరాజ్‌ రెండు వికెట్లు పడగొట్టారు. ఈ విజయంతో ఏపీకి ఆరు పాయింట్లు లభించాయి. తొలి ఇన్నింగ్స్‌లో ఆంధ్ర 431, రెండో ఇన్నింగ్స్‌లో 150/2 డిక్లేర్డ్‌ స్కోరు చేసింది. ఇక…ఛత్తీస్‌గఢ్‌ మొదటి ఇన్నింగ్స్‌లో 262 పరుగులు సాధించింది.